Deddf Cartrefi Symudol (Cymru) 2013

Mae Deddf Cartrefi Symudol (Cymru) 2013 (‘y Ddeddf’) yn gwneud darpariaeth ynghylch safleoedd cartrefi symudol yng Nghymru: 

• ar gyfer trwyddedu safleoedd rheoleiddiedig etc. ac mewn cysylltiad â hynny,
• i amddiffyn rhag troi allan o safleoedd gwarchodedig,
• ynghylch telerau cytundebau i osod cartrefi symudol ar safleoedd gwarchodedig,
• y caiff awdurdodau lleol ddarparu safleoedd i gartrefi symudol a gwahardd gosod cartrefi symudol ar dir comin odani, ac
• ynghylch materion atodol a chyffredinol.

Mae’r Nodiadau Esboniadol i’r Ddeddf yn rhoi sylwebaeth fanwl ar y darpariaethau amrywiol.

Dod i rym

Daeth Rhan 6 i rym ar 5 Tachwedd 2013, sef drannoeth y diwrnod y cafodd y Ddeddf hon y Cydsyniad Brenhinol, yn unol ag adran 64(1).

Daw darpariaethau eraill y Ddeddf i rym ar ddiwrnod a bennir drwy orchymyn a wneir gan Weinidogion Cymru, yn unol ag adran 64(2). Mae’r Gorchymyn canlynol wedi ei wneud:

Gorchymyn Deddf Cartrefi Symudol (Cymru) 2013 (Cychwyn, Darpariaethau Trosiannol ac Arbed) 2014

Is-deddfwriaeth a wnaed o dan y Ddeddf:

Ystyriaeth y Senedd o’r ddeddfwriaeth

Bil Aelod Cynulliad oedd hwn, a gyflwynwyd gan Peter Black AC ar 24 Hydref 2012, ar ôl iddo lwyddo mewn balot deddfwriaethol. Cafodd y Bil ei basio gan Senedd Cymru (Cynulliad Cenedlaethol Cymru bryd hynny) ar 25 Medi 2013.

Mae rhagor o wybodaeth am y Bil ar gael ar wefan y Senedd, gan gynnwys cofnod o hynt y Bil drwy’r Senedd ac yn y Memorandwm Esboniadol a luniwyd gan Lywodraeth Cymru (fel y cafodd ei ddiwygio ar ôl Cyfnod 2). 

Cafodd y Ddeddf y Cydsyniad Brenhinol ar 4 Tachwedd 2013.

Erthyglau a gwybodaeth gysylltiedig:

Cartrefi (symudol) mewn parciau: canllawiau i berchnogion | LLYW.CYMRU