Deddf Deddfwriaeth (Cymru) 2019
Mae Deddf Deddfwriaeth (Cymru) 2019:
- yn gwneud darpariaeth i hybu hygyrchedd y gyfraith drwy osod dyletswyddau ar y Cwnsler Cyffredinol a Gweinidogion Cymru. Mae hyn yn cynnwys y ddyletswydd i baratoi rhaglen i wella hygyrchedd cyfraith Cymru.
- yn cynnwys darpariaethau diofyn ynglŷn a dehongli deddfwriaeth (Deddfau Senedd Cymru ac is-ddeddfwriaeth a wneir gan Weinidogion Cymru ac awdurdodau datganoledig eraill) a’r ffordd y mae’n gweithredu
- yn rhoi’r pŵer i Weinidogion Cymru ddiwygio deddfwriaeth er mwyn cyfeirio at ddyddiadau gwirioneddol, unwaith y maent yn hysbys, yn hytrach na disgrifiadau o ddyddiadau
- yn cynnwys darpariaeth sy’n ei gwneud yn haws i Weinidogion Cymru gyfuno is-ddeddfwriaeth a wneir o dan wahanol bwerau mewn un offeryn statudol.
Mae’r Nodiadau Esboniadol i’r Ddeddf yn rhoi sylwebaeth fanwl ar y darpariaethau amrywiol.
Dod i rym:
Daeth rhai darpariaethau o'r Ddeddf i rym ar 11 Medi 2019, sef y diwrnod ar ôl iddi dderbyn y Cydsyniad Brenhinol, yn unol ag adran 44(1). Daw gweddill Rhan 2 o'r Ddeddf i rym ar ddiwrnod a bennir mewn gorchymyn a wneir gan Weinidogion Cymru, yn unol ag adran 44(2). Mae’r gorchymyn cychwyn a ganlyn wedi’i wneud:
Gorchymyn Deddf Deddfwriaeth (Cymru) 2019 (Cychwyn) 2019
Is-ddeddfwriaeth a wnaed o dan y Ddeddf:
| Enw | Rhif | Dyddiad gwneud | Dod i rym | Dogfennau ategol |
Rheoliadau Deddf Deddfwriaeth (Cymru) 2019 (Diwygio Atodlen 1) 2020 | 2020 Rhif 1356 (Cy. 300) | 26 Tachwedd 2020 | 27 Tachwedd 2020 | Memorandwm Esboniadol |
Ystyriaeth y Senedd o’r ddeddfwriaeth:
Cyflwynwyd y Bil gan Jeremy Miles AS, y Cwnsler Cyffredinol ar y pryd, ar 3 Rhagfyr 2018. Fe’i pasiwyd gan Senedd Cymru (Cynulliad Cenedlaethol Cymru ar y pryd) ar 16 Gorffennaf 2019.
Mae rhagor o wybodaeth am y Bil ar gael ar wefan y Senedd, gan gynnwys cofnod o hynt y Bil drwy’r Senedd ac yn y Memorandwm Esboniadol a luniwyd gan Lywodraeth Cymru (fel y cafodd ei ddiwygio ar ôl Cyfnod 2).
Cafodd y Ddeddf y Cydsyniad Brenhinol ar 10 Medi 2019.
Erthyglau a gwybodaeth gysylltiedig:
Mae'r Llywodraeth wedi paratoi rhaglen i wella hygyrchedd cyfraith Cymru, sydd ar gael ar wefn Llywodraeth Cymru: Dyfodol cyfraith Cymru: Rhaglen ar gyfer 2021 i 2026 [HTML] | LLYW.CYMRU