Skip to main content

Deddf yr Amgylchedd Hanesyddol (Cymru) 2016

Mae Deddf yr Amgylchedd Hanesyddol (Cymru) 2016 (‘y Ddeddf’) yn gwneud darpariaethau amrywiol er mwyn gwella amddiffyniad amgylchedd hanesyddol Cymru, gan gynnwys:

  • diwygio Deddf Henebion Hynafol ac Ardaloedd Archaeolegol 1979, yn bennaf mewn perthynas â henebion hynafol yng Nghymru,
  • ei gwneud yn ofynnol i Weinidogion Cymru lunio a chynnal cofrestr o barciau a gerddi o ddiddordeb hanesyddol arbennig,
  • diwygio Deddf Cynllunio (Adeiladau Rhestredig ac Ardaloedd Cadwraeth) 1990 mewn perthynas ag adeiladau rhestredig,
  • ei gwneud yn ofynnol i Weinidogion Cymru lunio a chynnal rhestr o enwau lleoedd hanesyddol yng Nghymru,
  • ei gwneud yn ofynnol i Weinidogion Cymru lunio cofnod o’r amgylchedd hanesyddol ar gyfer pob awdurdod lleol yng Nghymru, a’i gadw’n gyfoes,
  • sefydlu’r Panel Cynghori ar Amgylchedd Hanesyddol Cymru. 

Mae Nodiadau Esboniadol i’r Ddeddf yn rhoi sylwebaeth fanwl ar y darpariaethau amrywiol.

Dod i rym

Mae adran 41 o’r Ddeddf yn nodi’r darpariaethau sy’n dod i rym ar ddyddiad y Cydsyniad Brenhinol; y rhai sy’n dod i rym ddeufis ar ôl y Cydsyniad Brenhinol; a’r rhai sy’n dod i rym drwy orchymyn a wneir gan Weinidogion Cymru.

Mae’r gorchmynion canlynol wedi eu gwneud:

Is-ddeddfwriaeth a wnaed o dan y Ddeddf:

Ni wnaed unrhyw is-ddeddfwriaeth o dan y Ddeddf hon hyd yma.

Ystyriaeth y Senedd o’r ddeddfwriaeth:

Cyflwynwyd y Bil ar 1 Mai 2015 gan Ken Skates AS, y Dirprwy Weinidog Diwylliant, Chwaraeon a Thwristiaeth ar y pryd.

Mae rhagor o wybodaeth am y Bil ar gael ar wefan y Senedd, gan gynnwys cofnod o hyn y Bil drwy’r Senedd (Cynulliad Cenedlaethol Cymru ar y pryd) a’r Memorandwm Esboniadol a luniwyd gan Lywodraeth Cymru (fel y cafodd ei ddiwygio ar ôl Cyfnod 2).

Cafodd y Ddeddf y Cydsyniad Brenhinol ar 21 Mawrth 2016.

Erthyglau a gwybodaeth gysylltiedig:

Cyhoeddwyd gyntaf
Diweddarwyd diwethaf
03 Ionawr 2024