Mesur Codi Ffioedd am Wasanaethau Gofal Cymdeithasol (Cymru) 2010

Daeth Mesur Codi Ffioedd am Wasanaethau Gofal Cymdeithasol (Cymru) 2010 (‘y Mesur’) yn gyfraith yn Ionawr 2010 ond cafodd ei ddiddymu wedi hynny gan Rheoliadau Deddf Gwasanaethau Cymdeithasol a Llesiant (Cymru) 2014 (Diwygiadau Canlyniadol) 2016.

Rhoddodd Mesur Codi Ffioedd am Wasanaethau Gofal Cymdeithasol (Cymru) 2010 bwerau i Weinidogion Cymru ddatblygu fframwaith mwy cyson i awdurdodau lleol wrth godi tâl ar ddefnyddwyr gwasanaeth unigol am wasanaethau gofal cymdeithasol amhreswyl, gyda’r nod o leihau’r anghysondebau a oedd yn bodoli ar y pryd.

Mae’r Nodiadau Esboniadol i’r Mesur yn rhoi sylwebaeth fanwl ar y gwahanol ddarpariaethau.

Dod i rym

Daeth adrannau 17 i 19 i rym ar ddiwedd y cyfnod o ddau fis yn dilyn y Gymeradwyaeth Frenhinol (mewn geiriau eraill ar 17 Mai 2010), yn unol ag adran 18(2).

Roedd gweddill darpariaethau’r Mesur yn dod i rym yn unol â darpariaeth a wnaed gan Weinidogion Cymru drwy orchymyn, yn unol ag adran 18(3).

Mae’r gorchymyn canlynol wedi ei wneud:

Gorchymyn Mesur Codi Ffioedd am Wasanaethau Gofal Cymdeithasol (Cymru) 2010 (Cychwyn) 2011

Is-ddeddfwriaeth sydd wedi ei gwneud o dan y Mesur:

Enw	Rhif	Dyddiad gwnaed	Dyddiad dod i rym	Dogfennau ategol
Rheoliadau Cymorth Gwladol (Symiau at Anghenion Personol) a Ffioedd Gofal Cymdeithasol (Cymru) (Diwygiadau Amrywiol) 2015	2015 Rhif 720 (Cy. 58)	13 Mawrth 2015	6 Ebrill 2015	Memorandwm Esboniadol (Saesneg yn unig)
Rheoliadau Cymorth Gwladol (Symiau at Anghenion Personol) (Asesu Adnoddau) a Ffioedd Gofal Cymdeithasol (Cymru) (Diwygiadau Amrywiol) 2014	2014 Rhif 666 (Cy. 73)	14 Mawrth 2014	7 Ebrill 2014	Memorandwm Esboniadol (Saesneg yn unig)
Rheoliadau Cymorth Gwladol a Ffioedd Gofal Cymdeithasol (Cymru) (Diwygiadau Amrywiol) 2013	2013 Rhif 633 (Cy. 69)	15 Mawrth 2013	8 Ebrill 2013	Memorandwm Esboniadol (Saesneg yn unig)
Rheoliadau Ffioedd Gofal Cymdeithasol (Diwygiadau Amrywiol) (Cymru) 2011	2011 Rhif 1666 (Cy. 190)	6 Gorffennaf 2011	2 Awst 2011	Memorandwm Esboniadol (Saesneg yn unig)
Rheoliadau Codi Ffioedd am Wasanaethau Gofal Cymdeithasol (Adolygu Penderfyniadau ar Godi Ffioedd) (Cymru) 2011	2011 Rhif 964 (Cy. 138)	24 Mawrth 2011	11 Ebrill 201	Memorandwm Esboniadol (Saesneg yn unig)
Rheoliadau Ffioedd Gofal Cymdeithasol (Taliadau Uniongyrchol) (Asesu Modd a Phenderfynu ar Ad-daliad neu Gyfraniad) (Cymru) 2011	2011 Rhif 963 (Cy. 137)	24 Mawrth 2011	11 Ebrill 2011	Memorandwm Esboniadol (Saesneg yn unig)
Rheoliadau Ffioedd Gofal Cymdeithasol (Asesu Modd a Phenderfynu Ffioedd) (Cymru) 2011	2011 Rhif 962 (Cy. 136)	24 Mawrth 2011	11 Ebrill 2011	Memorandwm Esboniadol (Saesneg yn unig)

Ystyriaeth y Senedd o’r ddeddfwriaeth

Cyflwynwyd y Mesur ar 29 Mehefin 2009 gan Gwenda Thomas AC, y Dirprwy Weinidog Gwasanaethau Cymdeithasol ar y pryd. Pasiwyd y Mesur gan Senedd Cymru (Cynulliad Cenedlaethol Cymru bryd hynny) ar 19 Ionawr 2010.

Mae mwy o wybodaeth am y Mesur ar gael ar wefan y Senedd gan gynnwys cofnod o hynt y Mesur drwy’r Senedd a’r Memorandwm Esboniadol a luniwyd gan Lywodraeth Cymru (fel y’i diwygiwyd ar ôl Cyfnod 2).

Cafodd y Mesur y Gymeradwyaeth Frenhinol ar 17 Mawrth 2010.