Tynnu a chronni dŵr

Mae'r dudalen hon yn cael ei hadolygu ar hyn o bryd a bydd y cynnwys yn cael ei ddiweddaru cyn bo hir.

Ar y cyfan mae’n anghyfreithlon tynnu dŵr a’i gronni heb drwydded gan Cyfoeth Naturiol Cymru. Tynnu dŵr yw’r broses o dynnu dŵr o ffynonellau naturiol fel afonydd, llynnoedd a dyfrhaenau. Defnyddir y rhan fwyaf o’r dŵr a dynnir yng Nghymru ar gyfer y cyflenwad dŵr cyhoeddus, gyda thynnu dŵr at ddibenion diwydiannol yn elfen sylweddol. Caiff ei reoleiddio drwy system o drwyddedu gan Gyfoeth Naturiol Cymru.

Mae cronni yn golygu creu strwythur mewn dyfroedd mewndirol a allai newid lefel neu lif y dŵr yn barhaol neu dros dro. Mae’r strwythurau yn cynnwys:

• argae
• cored
• ysgol bysgod
• tyrbinau ynni dŵr
• llifddorau
• penstoc
• cwlfert
• clwydi loc
• wal gynnal
• ffos
• arglawdd cronfeydd
• gwyriadau dros dro yn ystod gwaith adeiladu

Rhaid ichi gael trwydded cronni cyn dechrau gwaith ar strwythur cronni dŵr, hyd yn oed mewn argyfwng, os nad oes eithriad mewn grym.